Лев Портер 1920 сыллаахха Украина Херсонатыгар төрөөбүтэ.
Аармийаҕа ыҥырыллыар диэри хаартысканан идэтийэн үлүһүйбэтэҕэ, ол эрэн Москва фототехникумун үөрэнэн бүтэрбитэ.
Портер фотографом буоларга бэлэмнэнэрэ.
Кини элбэхтэ Кузнецкай мостаҕа ол саҕана аатырбыт Исаак Тункель фотоательетын битириинэтин көрө барара, Исаак Тункели бастакы учууталым диэн ахтара.
Демобилизация кэннэ 1940 сыллар бүтүүлэригэр диэри ЛенТАСС-ка үлэлээбитэ.
1949 сыллаахха Ломоносов аатынан Московскай Государственнай Университеты (МГУ) бүтэрбитэ.
Үөрэнэ да сылдьан, бүтэрэн да баран Портер Университетка МГУ устудьуоннарыгар фотожурналистикуаны үөрэтэрэ.
1976 сылтан уон сыл Фотохроника ТАСС (ИТАР-ТАСС) Главнай редакциятын главнай редакторынан үлэлээбитэ.
1949 сыллаахха атырдьах ыйыгар Туобуйаҕа Саха АССР Үрдүкү Сэбиэтин Президиумун председателин солбуйааччытын Г.Г. Федоровы кытта ССРС Үрдүкү Сэбиэтин ыйааҕынан Степан Иннокентьевич Васильевка уонна Афанасий Николаевич Саввиновка Социалистическай Үлэ Геройун наҕараадаларын туттара күндү ыалдьыт буолан кэлсибитэ.
Ол кэлэн Туобуйа дьонун-сэргэтин хаартыскаҕа түһэрбит
